Home > ORDEZKARITZA > Elkar-lankidetza

Elkar-lankidetzarako erakundeak

Elkargi E.B.S. Euskadiko elkarren bermerako sozietatea da. Oinarri izeneko Gizarte Ekonomiari zuzendutako atala du. Bi jarduera-eremu nagusi ditu:

•    Enpresentzako finantzaketa egokia ematea
•    Enpresen finantza-kudeaketa hobetzea

Enpresek behar dituzten abalak, teknikoak zein finantziarioak, eskaintzen ditu. Oinarriren abalari esker, enpresek, baita txikienek ere, merkatuan dauden baldintzarik onenetan finantzatzen dituzte euren inbertsioak.

www.elkargi-oinarri.es


Elkar-Lan Koop.E. bigarren mailako kooperatiba bat da, eta kooperatiba-enpresak sustatzea, eta ondorioz, kooperatiba-enplegua sortzea eta garapen ekonomiko eta sozialari laguntzea du xede.

Doako zerbitzu hauek eskaintzen ditu:

•    Kooperatiba-sozietate gisa eratu nahi duten enpresa-proiektuentzako aholkularitza eta orientabidea
•    Proiektuaren bideragarritasun-azterketa
•    Kooperatiba-arloko prestakuntza
•    Banan-banako laguntza profesionala kooperatiba-proiektuen sustatzaileentzat, proiektuak martxan jarri arte
•    Diru-laguntza eta bestelako laguntzei buruzko informazioa
•    Kooperatiben eraketa
•    Gidaritza/Jarraipena kooperatiba gisa eratu ondorengo lehenengo urtean

www.elkarlan.coop


ASEkoop, kooperatiba Aholkulari Seniorren Elkartea, jaio zen erretiratutako kooperatibistek borondatezko lanaren bidez laguntza eskaintzen jarraitzeko nahia dela eta, zenbait Kooperatibaren enpresa eta kooperatiba-arloko garapenari ekiteko.

ASEkoopek batez ere Kooperatiba txiki edo hasiberriei eskaintzen die zerbitzua. Bertatik bertarako laguntza ematen du, eta aholkulariek kooperatibetako zuzendaritza-karguetan lanean zeudela pilatutako esperientzia helarazten diete Artezkaritza Kontseiluei.

Boluntario hauen jakintza, esperientzia eta balioak aprobetxatzeko tresna eta belaunaldien arteko elkartasuna indartzeko bidea izan nahi du Elkarteak.

asekoop@konfekoop.coop



AREA PRIBATURAKO SARBIDEA

Mesedez, sar zaitez zure erabiltzaile eta pasahitzarekin